ඇත්තටම කවුද ඔයා...
හුග කාලෙකට පස්සේ හැන්දෑවට සිතුවිල්ලක් ඇවිල්ලා....නෑ සිතුවිලක් අරන් හැන්දෑවක් ඇවිල්ලා...ඒත් කොහෙන් පටන් ගෙන කොහොම මේ සිතුවිල්ල අකුරු කරන්නද කියලා තාමත් හැන්දෑවට හිතා ගන්න බැරි වෙලා...ඒත් එක දෙයක් දන්නවා කොහෙන් පටන්ගෙන කොහොම ලිව්වත් ඒ හැන්දෑවේ සිතුවිල්ලේ පෙරවදන පසුවදන හැමදේම ඔයා කියලා...කවුද මේ ඔයා...ඇත්තටම කවුද මේ ඔයා...හැන්දෑවට දුක සතුට මවන ඔයා..ඒ දුක ළග සතුට තියන...සතුට ළග වෙලාවකට දුක තියන ඔයා...වෙලාවකට හැන්දෑව ආදරෙන් පිරිලා ඉතීරීලා යන්න සිතුවිලි දෙන ඔයා...ඒත් වෙලාවකට මුලු හැන්දෑවම විරහවින් දවලා අලුකරලා දාන ඔයා...තවත් වෙලාවකට හැන්දෑව නපුරු කරවන ඔයා..නුහුරු නුපුරුදු සිතුවිලි හැන්දෑව මත මවලා හිනා වෙන ඔයා...ඒ හිනාවේ අග මුල හොයා ගන්න බැරිව ලතවෙන හැන්දෑව අදටත් හොයනවා ඔයා කවුද කියලා..ඇත්තටම කවුද ඔයා...
සිතක අරුමය..
මවන සිතුවිලි..
කාට අයිතිද...
කාට හිමිවෙද...
No comments:
Post a Comment